Þeir Karl Fannar Sævarsson og Konráð S. Guðjónsson hlupu 10 kílómetra í Reykjavíkurmaraþoni Íslandsbanka, til styrktar stúlknaskóla í Úganda. Það söfnuðust 290.000kr! Þeim verður vel varið í vinnu við að koma upp brunni fyrir stelpurnar okkar í Úganda.
Þessa dagana standa Alnæmisbörn fyrir söfnun svo hægt sé að byggja húsnæði undir starfsemi Candle Light Foundation í Kampala, Úganda.
Þrír hlauparar, þær Jóhanna Ella Jónsdóttir, Þorbjörg Halldórsdóttir og Steinunn Hauksdóttir hafa ákveðið að safna áheitum fyrir Alnæmisbörn í Reykjavíkurmaraþoninu sem fram fer 24. ágúst næstkomandi. Þær eru nú þegar búnar að safna 84.500 krónum til stuðnings Alnæmisbörnum.
Við hjá Alnæmisbörnum hvetjum fólk til þess að heita á þær í maraþonhlaupinu og óskum hlaupurunum góðs gengis.
Frekari upplýsingar má sjá á http://www.hlaupastyrkur.is/