Verkmenntaskólinn

Verkmenntaskólinn er staðsettur í Kampala, Úganda og er rekinn af samtökunum Candle Light Foundation.  CLF á Íslandi hefur stutt við skólann og starf hans með ýmsu móti, svo sem með byggingu skólahúsnæðisins sem og staðið undir rekstri skólans og námskostnaði nemenda.

Viðurkenning
Verkmenntaskóli CLF er viður­kenndur af Mennta- og íþróttamálaráðuneyti Úganda.

Hagnýtt verknám lykillinn að atvinnuþátttöku

Verkmenntaskóli fyrir ungar stúlkur sem standa höllum fæti í samfélaginu

CLF á Íslandi hefur stutt við starfsemi verkmenntaskóla Candle Light Foundation í Úganda frá opnun skólans. Í skólanum er ungum stúlkum sem eiga erfitt uppdráttar boðið upp á verknám sem er sniðið að félagslegum og efnahags­legum aðstæðum í Úganda.

Árið 2015 flutti skólinn í eigið húsnæði

Nýr skóli reistur með okkar stuðningi

Fyrstu árin var skólinn starfræktur í leiguhúsnæði en hann er nú rekinn í eigin húsnæði. Í byrjun árs 2014 hófust framkvæmdir á nýja skólanum með stuðningi frá CLF á Íslandi og Utanríkisráðuneyti Íslands. Skólinn opnaði ári seinna og hófu 170 stúlkur nám við nýja skólann.

Liður í að auka kynjajafnrétti

Starfið er liður í því að stuðla að auknu kynjajafnrétti í Úganda þar sem konur hafa staðið höllum fæti í samfélaginu miðað við karlmenn, sérstaklega þegar kemur að menntun. Konur í Úganda flosna oft ungar upp úr skóla af mismunandi völdum, til dæmis vegna fátæktar, foreldramissis, barneigna, óviðunandi aðstæðna í skólum fyrir ungar stúlkur, og ríkjandi viðhorfs um að menntun drengja sé mikilvægari en menntun stúlkna. Sú þekking og menntun sem þær öðlast í gegnum verkefnið mun hafa jákvæð áhrif á líf þeirra, atvinnumöguleika og fjölskyldur, sem og samfélagið í heild.

Hagnýtt iðnnám

Meðal námsgreina sem skólinn býður uppá er hárgreiðsla, fatasaumur, matreiðsla, kertagerð og tölvunotkun. Kennslan er oft í höndum útskrifaðra nemanda sem koma og kenna við skólann eftir að hafa náð sér í reynslu á atvinnumarkaðnum.

Heimavist

Í skólanum er heimavist fyrir nemendur sem þurfa á því að halda